സുധാകരനെ ലക്ഷ്യമിട്ട്​ കോൺഗ്രസിൽനിന്നുതന്നെ സംഘ്​പരിവാർ ഒളിയമ്പ്​

കണ്ണൂർ: സ്ഥാനം രാജിവെച്ച് ഡി.സി.സി ജനറൽ സെക്രട്ടറി പ്രദീപ് വട്ടിപ്രം ഉന്നയിച്ച ആരോപണം മുൻ എം.പി കെ. സുധാകരനെ ബന്ധപ്പെടുത്തി സി.പി.എം ഉന്നയിച്ച സംഘ്പരിവാർ സൗഹൃദ ആരോപണത്തി​െൻറ പുതിയ നിറഭേദമായി. രാജിക്കാര്യം വ്യക്തമാക്കിയ വാർത്തസമ്മേളനത്തിൽ സുധാകര​െൻറ പേര് പ്രദീപ് വട്ടിപ്രം പരാമർശിച്ചില്ലെങ്കിലും 'പ്രമുഖനായ നേതാവ്' എന്ന വിശേഷണത്തോടെ ജില്ലയിലെ കോൺഗ്രസിനെ സംഘ്പരിവാറുമായി കൂട്ടിക്കെട്ടാൻ ശ്രമിക്കുന്നുവെന്ന ആരോപണം നേരത്തെ സി.പി.എം സുധാകാരന് നേരെ ഉന്നയിച്ചതി​െൻറ പുതിയ പതിപ്പാണ്. ഇക്കുറി കോൺഗ്രസ് കുടുംബത്തിൽനിന്നുതന്നെ ആരോപണം ഉയർന്നുവന്നുവെന്നതാണ് പ്രത്യേകത. കൂത്തുപറമ്പ് തൊക്കിലങ്ങാടി ഹൈസ്‌കൂള്‍ ഭരണസമിതി തനിച്ചുഭരിക്കാന്‍ കോണ്‍ഗ്രസിന് ഭൂരിപക്ഷമുണ്ടായിട്ടും ആർ.എസ്.എസുമായി സഹകരിച്ചതി​െൻറ പിന്നിൽ പ്രവർത്തിച്ചതിൽ 'നേതാവ്' ഉണ്ടെന്നാണ് പ്രദീപ​െൻറ ആരോപണം. നേതാവി​െൻറ താൽപര്യപ്രകാരം ആർ.എസ്.എസുമായി സഹകരിച്ചാണ് സ്‌കൂള്‍ കമ്മിറ്റി ഭരണം നടത്തുന്നത്. ഒരധ്യാപക നിയമനത്തി​െൻറ പേരിലുള്ള വീതംവെപ്പ് ആർ.എസ്.എസും കോണ്‍ഗ്രസും തമ്മിലാണെന്നാണ് പ്രദീപ​െൻറ ആരോപണം. ഇൗയടുത്ത് ആർ.എസ്.എസ്, ക്യാമ്പ് നടത്തിയത് ഇതേ സ്കൂളിലാണ്. കണ്ണൂർ ജില്ലയിലെ അക്രമരാഷ്ട്രീയത്തി​െൻറ സാഹചര്യത്തിൽ സുധാകരനും സംഘ്പരിവാറും അണിയറയിൽ സൗഹൃദത്തിലാണെന്ന ആരോപണം ഇതുവരെ ഉന്നയിച്ചത് സി.പി.എം ആണ്. കുമ്മനം നടത്തിയ യാത്രയിൽ പെങ്കടുക്കാനെത്തിയ അമിത് ഷാ-സുധാകരൻ രഹസ്യ കൂടിക്കാഴ്ചക്ക് കളമൊരുക്കിയെന്ന നിലയിലായിരുന്നു ആദ്യ ആരോപണം. ഡി.സി.സി സെക്രട്ടറിയുടെ രാജികാരണം ഡി.സി.സി ഒാഫിസ് നിർമാണവുമായി ബന്ധപ്പെട്ട സാമ്പത്തിക ഇടപാടാണ്. അത് തുറന്നുപറഞ്ഞതിന് ഉൗരുവിലക്കുപോലെ നിയന്ത്രണം ഏർപ്പെടുത്തിയെന്നാരോപിച്ച് രാജിക്കാര്യം വെളിപ്പെടുത്തിയപ്പോഴാണ് ----------സംഘ്പരിവാർ ആരോപണംകൂടി---------- ആവർത്തിച്ചിരിക്കു--ന്നത്.