ജി.എസ്​.ടി സുവിധ കേന്ദ്രം തുറന്നു

കണ്ണൂർ: വ്യാപാര-വ്യവസായ സ്ഥാപനങ്ങളുടെ ജി.എസ്.ടി രജിസ്ട്രേഷൻ, ജി.എസ്.ടി ഫയലിങ് ആൻഡ് ബില്ലിങ്, ഇ-ടെൻഡർ, ഡിജിറ്റൽ സിഗ്നേച്ചർ, പാൻ കാർഡ്, ഒാൺലൈൻ സേവനങ്ങൾ തുടങ്ങിയവ ലഭ്യമാക്കുന്നതിന് കേരള ഗവ. കോൺട്രാക്ടേഴ്സ് അസോസിയേഷൻ (കെ.ജി.സി.എ) ജില്ല കമ്മിറ്റി ജി.എസ്.ടി സുവിധ കേന്ദ്രം ആരംഭിച്ചു. ജില്ല പഞ്ചായത്ത് പ്രസിഡൻറ് കെ.വി. സുമേഷ് ഉദ്ഘാടനം ചെയ്തു. കെ.ജി.സി.എ ജില്ല പ്രസിഡൻറ് സി. രാജൻ അധ്യക്ഷത വഹിച്ചു. കോർപറേഷൻ പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ ടി.ഒ. മോഹനൻ, കൗൺസിലർ ഇ. ബീന, കെ.ജി.സി.എ സംസ്ഥാന പ്രസിഡൻറ് വർഗീസ് കണ്ണമ്പള്ളി, കെ. വിനോദ് നാരായണൻ, എം.വി. പ്രസാദ്, പി.െഎ. രാജീവ് എന്നിവർ സംസാരിച്ചു. ജില്ല സെക്രട്ടറി കെ.എം. അജയകുമാർ സ്വാഗതം പറഞ്ഞു.