ജില്ല ബാങ്ക്​ ജീവനക്കാരുടെ ധർണ

കണ്ണൂർ: ഡിസ്ട്രിക്ട് കോഒാപററ്റിവ് ബാങ്ക് എംപ്ലോയീസ് ഫെഡറേഷ​െൻറ നേതൃത്വത്തിൽ ജില്ല ബാങ്ക് ജീവനക്കാർ ബാങ്ക് ഹെഡ് ഒാഫിസ് പടിക്കൽ ധർണ നടത്തി. സഹകരണമേഖലയെ ശക്തിപ്പെടുത്തുക, ശമ്പള പരിഷ്കരണം നടപ്പാക്കുക, ജില്ല സഹകരണ ബാങ്കുകളെ ശാസ്ത്രീയമായി റീ ക്ലാസിഫൈ ചെയ്യുക, പാർട്ട്െടെം ജീവനക്കാരുടെ പ്രശ്നങ്ങൾ പരിഹരിക്കുക തുടങ്ങിയ ആവശ്യങ്ങൾ ഉന്നയിച്ചാണ് ധർണ. കെ.കെ. രാഗേഷ് എം.പി ഉദ്ഘാടനം ചെയ്തു. ഫെഡറേഷൻ ജില്ല പ്രസിഡൻറ് കെ.ആർ. സരളഭായ് അധ്യക്ഷത വഹിച്ചു. പി.വി. കുഞ്ഞിരാമൻ, എ. കൃഷ്ണൻ, ടി. രാജേഷ്, എം.സി. രാജേന്ദ്രൻ, പി. വിനോദ്, കെ. മനോഹരൻ, സി.എൻ. മോഹനൻ എന്നിവർ സംസാരിച്ചു.