പള്ളൂർ സ്പിന്നിങ്​ മിൽ മതിൽ തകർന്നുവീണു

മാഹി: ഈസ്റ്റ് പള്ളൂരിലെ മാഹി സ്പിന്നിങ് മില്ലി​െൻറ പിൻവശത്തുള്ള മതിൽ തകർന്നുവീണു. നിരവധിതവണ മതിലി​െൻറ ശോച്യാവസ്ഥ തൊഴിലാളികൾ അധികാരികളുടെ ശ്രദ്ധയിൽപെടുത്തിയിരുന്നെങ്കിലും നടപടിയുണ്ടായിരുന്നില്ല. കുട്ടികളും പ്രായമുള്ളവരും ഉൾപ്പെടെ നിരവധി പേർ യാത്ര ചെയ്യന്നത് മില്ലി​െൻറ നാലു വശത്തുമായി ഉയർന്നുനിൽക്കുന്ന അപകടഭീതി ഉയർത്തുന്ന ഈ ചുറ്റുമതിലി​െൻറ വശത്തുകൂടിയാണ്. ഒരാൾക്ക് കഷ്ടിച്ച് നടന്നുപോകാൻ മാത്രം സാധിക്കുന്ന ഇടവഴിയിലുള്ള മതിലാണ് തകർന്നുവീണത്. ആളില്ലാത്ത സമയവും ഉച്ചനേരവുമായതിനാൽ വൻ ദുരന്തമാണ് വഴിമാറിയത്. അപകടാവസ്ഥയിലുള്ള മതിലി​െൻറ ബാക്കി ഭാഗം പൊളിച്ചുമാറ്റണമെന്ന് നാട്ടുകാർ ആവശ്യപ്പെട്ടു.