മാനഭംഗ ശ്രമം: യുവാവ്​ അറസ്​റ്റിൽ

കൂത്തുപറമ്പ്: പ്രായപൂർത്തിയാവാത്ത പെൺകുട്ടിയെ മാനഭംഗപ്പെടുത്താൻ ശ്രമിച്ച സംഭവത്തിൽ യുവാവിനെ പോക്സോ വകുപ്പ് പ്രകാരം അറസ്റ്റ് ചെയ്തു. മമ്പറത്തിനടുത്ത ചകരിക്കമ്പനിക്ക് സമീപം വലിയപറമ്പത്ത് മഞ്ജുനാഥിനെയാണ് (19) കൂത്തുപറമ്പ് പൊലീസ് അറസ്റ്റ് ചെയ്തത്. ഞായറാഴ്ച വൈകീട്ടോടെ മമ്പറം ടൗണിനടുത്തുെവച്ചാണ് സംഭവം. ഗൃഹപ്രവേശത്തിനെത്തിയ പെൺകുട്ടിയെ ബസ് സ്റ്റോപ്പിലേക്കുള്ള യാത്രാമേധ്യ മാനഭംഗപ്പെടുത്താൻ ശ്രമിച്ചെന്നാണ് പരാതി. പെൺകുട്ടിയുടെ പിതാവ് പൊലീസിൽ നൽകിയ പരാതിയെ തുടർന്നാണ് അറസ്റ്റ്. കഴിഞ്ഞ ദിവസം പാനുണ്ടയിൽ സി.പി.എം പ്രവർത്തകരെ ബോംബെറിഞ്ഞ് പരിക്കേൽപിച്ചതുൾപ്പെടെയുള്ള കേസുകളിൽ പ്രതിയാണ് മഞ്ജുനാഥെന്ന് പൊലീസ് പറഞ്ഞു.