കണ്ണൂരിനൊരു ഹരിത കവചം: ലക്ഷം വൃക്ഷത്തൈകൾ നടും

കണ്ണൂർ: കണ്ണൂരിനൊരു ഹരിതകവചം പദ്ധതിയുടെ ഭാഗമായി സി.പി.എമ്മി​െൻറ നേതൃത്വത്തിൽ ചൊവ്വാഴ്ച ഒരുലക്ഷം വൃക്ഷത്തൈകൾ നട്ടുപിടിപ്പിക്കും. അമ്പതിനായിരത്തോളം വീടുകളിൽ മാവ്, പ്ലാവ് തൈകൾ നടും. ആവശ്യമായ വൃക്ഷത്തൈകൾ എല്ലാ ബ്രാഞ്ചുകളിലും എത്തിച്ചു. കേന്ദ്ര കമ്മിറ്റി അംഗങ്ങളായ പി.കെ. ശ്രീമതി എം.പി മയ്യിലിലും എം.വി. ഗോവിന്ദൻ ബക്കളത്തും ഉദ്ഘാടനം ചെയ്യും. ജില്ല സെക്രട്ടറി പി. ജയരാജൻ കൂത്തുപറമ്പ് കാർഷികോൽപാദന വിതരണ സഹകരണ സംഘം ഓഫിസ് പരിസരത്ത് വൃക്ഷത്തൈ നടും. ടി. കൃഷ്ണൻ പേരാവൂരിലും കെ.കെ. രാഗേഷ് എം.പി അഞ്ചരക്കണ്ടിയിലും വി. ശിവദാസൻ കണ്ണൂരിലും പങ്കെടുക്കും.