സ്​റ്റീരിയോ-ആംപ്ലിഫയർ മോഷണം: യുവാവ്​ അറസ്​റ്റിൽ

കൂത്തുപറമ്പ്: നിർത്തിയിട്ട വാഹനങ്ങളിൽനിന്ന് സ്റ്റീരിയോകളും ആംപ്ലിഫയറുകളും മോഷണംപോയ സംഭവത്തിൽ യുവാവിനെ അറസ്റ്റുചെയ്തു. കൈതേരി 11ാം മൈലിലെ കൊട്ടാരത്തിൽ നിഷാദിനെയാണ് (19) കൂത്തുപറമ്പ് പൊലീസ് പിടികൂടിയത്. മേയ് 10ന് പഴയനിരത്തിൽ ട്രിപ് കഴിഞ്ഞ് നിർത്തിയിട്ടിരുന്ന സൂര്യദേവ് ബസിൽനിന്നാണ് നിഷാദ് സാധനങ്ങൾ മോഷ്ടിച്ചത്. ഇതിൽ ഒരെണ്ണം വിൽക്കുകയും ഒന്ന് സ്വന്തം വാഹനമായ കാൾടാക്സിയിൽ ഫിറ്റ് ചെയ്യുകയുമായിരുന്നു. വാഹനവും മോഷണം പോയ സാധനങ്ങളും പൊലീസ് കസ്റ്റഡിയിലെടുത്തു. നിഷാദിനെ രണ്ടുവർഷം മുമ്പും സമാനമായ സംഭവത്തിൽ നാട്ടുകാർ പിടികൂടിയിരുന്നു. അന്ന് പ്രായപൂർത്തിയാകാത്തതിനാൽ പരാതിപ്പെട്ടിരുന്നില്ല.