ചെസ്​, കാരംസ്​ മത്സരം

കണ്ണൂർ: കേരള എൻ.ജി.ഒ യൂനിയൻ ജില്ല കമ്മിറ്റിയുടെ നേതൃത്വത്തിൽ സംഘടിപ്പിച്ച അഞ്ചാമത് ചെസ്, കാരംസ് മത്സരങ്ങൾ ഡിവൈ.എസ്.പി പി.പി. സദാനന്ദൻ ഉദ്ഘാടനം ചെയ്തു. ചെസ് മത്സരത്തിൽ ഷീന ഇളമ്പിലായി(ജില്ല ട്രഷറി കണ്ണൂർ) ഒന്നാംസ്ഥാനവും വിനുരാജ് (സി.എച്ച്.സി കരിവെള്ളൂർ) രണ്ടാംസ്ഥാനവും നേടി. കാരംസ് മത്സരത്തിൽ സിബിൻ ഓറോക്കണ്ടി, കെ. ഗിരിലാൽ (ഗവ. പ്രസ് ഓഫിസ് കണ്ണൂർ) ഒന്നാംസ്ഥാനവും കെ.പി. രത്നാകരൻ(ജനറൽ ആശുപത്രി തലശ്ശേരി), വി. വിനോദ്(ജില്ല ആശുപത്രി കണ്ണൂർ) എന്നിവർ രണ്ടാംസ്ഥാനവും നേടി. സംസ്ഥാന മത്സരങ്ങൾ ജൂൺ ഒമ്പതിന് എറണാകുളത്ത് നടക്കും. ചടങ്ങിൽ ജില്ല പ്രസിഡൻറ് എ. രതീശൻ അധ്യക്ഷത വഹിച്ചു. യൂനിയൻ സംസ്ഥാന വൈസ് പ്രസിഡൻറ് എം.വി. ശശിധരൻ സംസാരിച്ചു. ജില്ല സെക്രട്ടറി എം.വി. രാമചന്ദ്രൻ സ്വാഗതവും കലാകായിക സമിതി കൺവീനർ ടി.വി. പ്രജീഷ് നന്ദിയും പറഞ്ഞു.