ലോറി ഡ്രൈവേർസ് ആൻഡ് ക്ലീനേർസ് അസോ. ജില്ല സമ്മേളനം ഇന്ന്

കൂത്തുപറമ്പ്: ലോറി ഡ്രൈവേർസ് ആൻഡ് ക്ലീനേർസ് അസോസിയേഷൻ സി.ഐ.ടി.യു ജില്ല സമ്മേളനം ഞായറാഴ്ച കൂത്തുപറമ്പിൽ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. രാവിലെ 10 മണിക്ക് നഗരസഭ ടൗൺഹാളിലെ ഞാറ്റുതല രാജൻ നഗറിൽ ആരംഭിക്കുന്ന സമ്മേളനം ഗുഡ്സ് ട്രാൻസ്പോർട്ട് വർക്കേഴ്സ് ഫെഡറേഷൻ സംസ്ഥാന പ്രസിഡൻറ് ടി.കെ. രാജൻ ഉദ്ഘാടനം ചെയ്യും. വാർത്തസമ്മേളനത്തിൽ ഗുഡ്സ് ട്രാൻസ്പോർട്ട് വർക്കേഴ്സ് ഫെഡറേഷൻ സംസ്ഥാന നേതാവ് എൻ.കെ. ശ്രീനിവാസൻ, ജില്ല ജനറൽ സെക്രട്ടറി എ. പ്രേമരാജൻ, പി. ചന്ദ്രൻ, ടി. അശോകൻ എന്നിവർ പങ്കെടുത്തു.