അനുമോദനവും യാത്രയയപ്പും

കണ്ണൂർ: അസോസിയേഷൻ ഫോർ സ്റ്റേറ്റ് എംപ്ലോയീസ് ആൻഡ് ടീച്ചേഴ്സ് ജില്ല കമ്മിറ്റി വിവിധ പരീക്ഷകളിൽ ഉന്നതവിജയം നേടിയ അസെറ്റ് പ്രവർത്തകരുടെ മക്കൾക്ക്‌ അനുമോദനവും സർക്കാർ സേവനത്തിൽനിന്ന് വിരമിക്കുന്ന യു.പി. സിദ്ദീഖ് മാസ്റ്റർ, കെ.കെ. ഇബ്രാഹീം മാസ്റ്റർ എന്നിവർക്ക് യാത്രയയപ്പും നൽകി. വെൽെഫയർ പാർട്ടി ജില്ല പ്രസിഡൻറ് സൈനുദ്ദീൻ കരിവള്ളൂർ ഉദ്ഘാടനം ചെയ്തു. അസെറ്റ് ജില്ല പ്രസിഡൻറ് പി.സി. മുനീർ മാസ്റ്റർ അധ്യക്ഷത വഹിച്ചു. വെൽെഫയർ പാർട്ടി ജില്ല സെക്രട്ടറി ബർണബാസ് ഫെർണാണ്ടസ് സംസാരിച്ചു. സി.പി. രഹ്‌ന ടീച്ചർ സ്വാഗതവും അബ്ദുന്നാസർ മാസ്റ്റർ നന്ദിയും പറഞ്ഞു.