പ്രവേശനോത്സവം

ഇരിക്കൂർ: തേറളായി മാപ്പിള എ.എൽ.പി സ്കൂളിൽ പഞ്ചായത്ത് ക്ഷേമകാര്യ ചെയർമാൻ മിനേഷ് മണക്കാട് ഉദ്ഘാടനം ചെയ്തു. മൂസാൻ കുട്ടി തേറളായി അധ്യക്ഷത വഹിച്ചു. പഠനകിറ്റ് വിതരണം വാർഡ് അംഗം കെ.പി. മിസ്രിയ്യയും വിജയികളെ അനുമോദിക്കൽ ഹഖീം അബ്ദുന്നാസർ ചിശ്തിയും നിർവഹിച്ചു. വി.എ. മൊയ്തീൻ, വി. ലത്വീഫ്, സി.എ. സാദിഖ് എന്നിവർ സംസാരിച്ചു. ഹെഡ്മിസ്ട്രസ് ടി. പത്മിനി സ്വാഗതവും പി.വി. പ്രദീപൻ നന്ദിയും പറഞ്ഞു. പാറക്കാടി എ.എൽ.പി സ്കൂളിൽ വാർഡ് മെംബർ പി. ദിനേശൻ മാസ്റ്റർ ഉദ്ഘാടനം ചെയ്തു. പി.ടി.എ പ്രസിഡൻറ് എൻ.വി. രമേശൻ അധ്യക്ഷത വഹിച്ചു. അക്ഷരദീപം തെളിക്കൽ കെ. ഷീനയും പഠനകിറ്റ് വിതരണം സി.വി. ജയപ്രകാശും യൂനിഫോം വിതരണം ഷീന ശശിധരനും നിർവഹിച്ചു. എം. രജുനാഥ് സംസാരിച്ചു. ഹെഡ്മാസ്റ്റർ എം. രവി മാസ്റ്റർ സ്വാഗതവും പി.പി. അനിൽകുമാർ നന്ദിയും പറഞ്ഞു.