ചക്ക മഹോത്സവം

മട്ടന്നൂർ: വെള്ളിയാംപറമ്പ് വായനശാല വനിതാവേദിയുടെ നേതൃത്വത്തിൽ ചക്കമഹോത്സവം സംഘടിപ്പിച്ചു. ചക്കവിഭവങ്ങളെക്കുറിച്ച് നടത്തിയ ഏകദിന ശിൽപശാലയിൽ നാൽപതോളം വിഭവങ്ങൾ തയാറാക്കുന്നതിനുള്ള പരിശീലനവും പ്രദർശനവും നടന്നു. ജീവകാന്തം ജാക്ക് ഫ്രൂട്ട് ലവേഴ്‌സ് ഫോറത്തി​െൻറ സഹകരണത്തോടെ നടത്തിയ ശിൽപശാല പഞ്ചായത്ത് വൈസ് പ്രസിഡൻറ് പി.അനില ഉദ്ഘാടനം ചെയ്തു. വനിതാവേദി പ്രസിഡൻറ് എം.പി. വത്സല അധ്യക്ഷത വഹിച്ചു. കെ.കെ. പ്രഭാകരൻ, സി. ഹേമചന്ദ്രൻ, കെ. പവിത്രൻ, സി.വി. ശിവദാസൻ, വി. ഗോപാലൻ നായർ, സി.സി. നിഷ, കെ. ഷീല എന്നിവർ സംസാരിച്ചു. ഷീബ സനീഷ്, രജനി സുജിത്ത് എന്നിവർ പരിശീലനം നൽകി.