അന്യസംസ്​ഥാന തൊഴിലാളി താമസകേന്ദ്രം അടച്ചുപൂട്ടാൻ ഉത്തരവ്

പാനൂർ: അന്യസംസ്ഥാന തൊഴിലാളി താമസകേന്ദ്രം അടച്ചുപൂട്ടാൻ ആരോഗ്യ വകുപ്പ് ഉത്തരവ്. കുന്നോത്തുപറമ്പ് ഗ്രാമപഞ്ചായത്തിലെ പാറാട് ടൗണിനടുത്തുള്ള വി.കെ. അബ്ദുല്ല ഹാജിയുടെ ഉടമസ്ഥതയിലുള്ള കെട്ടിടങ്ങളാണ് പഞ്ചായത്ത് ആരോഗ്യവകുപ്പ് അധികൃതർ പൂട്ടാൻ നോട്ടീസ് നൽകിയത്. പരിശോധനയിൽ വാസ യോഗ്യമല്ലെന്നും ഗുരുതരമായ പൊതുജനാരോഗ്യ പ്രശ്നങ്ങളുണ്ടെന്നും കണ്ടതിനെ തുടർന്നാണ് വിവിധ വകുപ്പുകൾ പ്രകാരം നടപടി. പരിശോധനക്ക് ഹെൽത്ത്‌ ഇൻസ്പെക്ടർ ടി.കെ. പ്രേമൻ, സലാം, വിജയരാഘവൻ എന്നിവർ നേതൃത്വം നൽകി.