മാഹിയിൽ വിദ്യാർഥികളുടെ യാത്രനിരക്ക് വർധിപ്പിച്ചു

മാഹി: സ്കൂൾ വിദ്യാർഥികളുടെ ബസ് യാത്രനിരക്ക് രണ്ടു രൂപയാക്കി വർധിപ്പിക്കാൻ മാഹി ട്രാൻസ്പോർട്ട് കോഒാപറേറ്റിവ് സൊസൈറ്റി ഡയറക്ടർ ബോർഡ് യോഗം തീരുമാനിച്ചു. ഈ അധ്യയനവർഷം ആരംഭിക്കുന്ന 12 മുതൽ പുതുക്കിയ നിരക്കായിരിക്കും ഈടാക്കുക. ഡീസൽ, സ്പെയർ പാർട്സ്, ഇൻഷുറൻസ്, നികുതി എന്നിവയുടെ വൻ വർധനക്കു പുറമേ ജീവനക്കാരുടെ ശമ്പളവും വർധിപ്പിക്കണമെന്ന ആവശ്യംകൂടി ശക്തമായതോടെ ബസി​െൻറ മുന്നോട്ടുള്ള പ്രവർത്തനം പ്രതിസന്ധിയിലേക്ക് നീങ്ങുകയാണെന്ന് ഡയറക്ടർ ബോഡ് വിലയിരുത്തി. ബസി​െൻറ സുഗമമായ പ്രവർത്തനത്തിന് ചാർജ് വർധനയുമായി സഹകരിക്കണമെന്ന് പ്രസിഡൻറ് അറിയിച്ചു.