പ്രവേശനോത്സവം

തളിപ്പറമ്പ്: തളിപ്പറമ്പ് സർ സയ്യിദ് ഹയർ സെക്കൻഡറി സ്കൂൾ കേയി സാഹിബ് ട്രെയിനിങ് കോളജ് പ്രിൻസിപ്പൽ ടി.പി. അഷറഫ് ഉദ്ഘാടനം ചെയ്തു. ഉന്നത വിജയം നേടിയ വിദ്യാർഥികളെ അനുമോദിച്ചു. പ്രധാനാധ്യാപകൻ എ. അഷറഫ് അധ്യക്ഷത വഹിച്ചു. ഇഖ്ബാൽ കോയിപ്ര, ലാലി തോമസ്, റഹിന, കെ.വി. ബഷീർ, ഹയർ സെക്കൻഡറി പ്രിൻസിപ്പൽ അബ്ദുൽ മുത്തലിബ് എന്നിവർ സംസാരിച്ചു. കുഞ്ഞബ്ദുല്ല സ്വാഗതവും സി.കെ. യൂനുസ് നന്ദിയും പറഞ്ഞു. തളിപ്പറമ്പ് പൂണങ്ങോട് എ.എൽ.പി സ്കൂൾ വാർഡ് മെംബർ പ്രമീള രാജൻ ഉദ്ഘാടനം ചെയ്തു. പി.ടി.എ പ്രസിഡൻറ് കെ.വി. ഭാസ്കരൻ അധ്യക്ഷത വഹിച്ചു. പ്രധാനാധ്യാപിക ഡെയ്സി തോമസ് സ്വാഗതവും അമിത ചാഴൻ നന്ദിയും പറഞ്ഞു. വിദ്യാർഥികളെ മധുരപലഹാരങ്ങളും കിറ്റും നൽകി സ്വീകരിച്ചു. മഴൂർ ഗവ. എൽ.പി സ്കൂൾ വാർഡ് മെംബർ വി.എം. സീന ഉദ്ഘാടനം ചെയ്തു. കെ.പി. ജയേഷ് കിറ്റ് വിതരണം ചെയ്തു. പ്രധാനാധ്യാപകൻ എ. അഷറഫ് അധ്യക്ഷത വഹിച്ചു. ഇ. സുധാകരൻ, പി.പി. കൃഷ്ണൻ തുടങ്ങിയവർ സംസാരിച്ചു. കെ.വി. മെസ്മർ സ്വാഗതവും എം.വി. മുത്തുരാജൻ നന്ദിയും പറഞ്ഞു. കരിമ്പം ഗവ. എൽ.പി സ്കൂൾ വാർഡ് കൗൺസിലർ എം.കെ. ഷബിത ഉദ്ഘാടനം ചെയ്തു. എം. സന്തോഷ് കുമാർ അധ്യക്ഷത വഹിച്ചു. പ്രഫ. അൻസാരി മധുരപലഹാര വിതരണം നടത്തി. കെ.എം. മാത്യു, ഷീജ ജോസ്, ഷീമ സൂസി, എം.വി. വസന്ത തുടങ്ങിയവർ സംസാരിച്ചു. പ്രധാനാധ്യാപകൻ എം. ബാലകൃഷ്ണൻ സ്വാഗതവും എൻ.പി. വിജയലക്ഷ്മി നന്ദിയും പറഞ്ഞു.