മൺസൂൺ ഫെസ്​റ്റ്​ നാളെ തുടങ്ങും

കണ്ണൂർ: ചലച്ചിത്ര അക്കാദമിയുടെ പത്താമത് ദേശീയ ചലച്ചിേത്രാത്സവത്തി​െൻറ പ്രചാരണത്തി​െൻറ ഭാഗമായുള്ള മൺസൂൺ ഫിലിം ഫെസ്റ്റ് തിങ്കളാഴ്ച മുതൽ കണ്ണൂരിൽ നടക്കും. വൈകീട്ട് ആറിന് ജില്ല ലൈബ്രറി അങ്കണത്തിലാണ് പ്രദർശനം. ജൂൺ എട്ടുവരെ പ്രദർശനം തുടരും. പയ്യന്നൂരിലാണ് ഒമ്പതു മുതൽ 13വരെ ദേശീയ ചലച്ചിേത്രാത്സവം. പയ്യന്നൂർ രാജധാനി തിയറ്റർ കോംപ്ലക്സിലെ രണ്ടു തിയറ്ററുകളിലായി 28 സിനിമകളാണ് പ്രദർശിപ്പിക്കുന്നത്. ഒമ്പതിന് ഉദ്ഘാടന സമ്മേളനത്തിനും 13ന് സമാപന സമ്മേളനത്തിനും പുറമെ ദിവസേന വിവിധ വിഷയങ്ങളിൽ ഓപൺ ഫോറവും മീറ്റ് ദി ഡയറക്ടറും നടക്കും. കഴിഞ്ഞ വർഷത്തെ ദേശീയ സിനിമ പുരസ്കാരം നേടിയ പ്രതിഭകളെ ചടങ്ങിൽ ആദരിക്കും. രാജ്യത്തെ വിവിധ ഭാഗങ്ങളിൽനിന്നുള്ള ചലച്ചിത്ര പ്രവർത്തകരും മേളയിലെത്തിച്ചേരും. 200 രൂപയാണ് ഡെലിേഗറ്റ് ഫീ. വിദ്യാർഥികൾക്ക് 100 രൂപ. പയ്യന്നൂർ പബ്ലിക് ലൈബ്രറിയിൽ പ്രവർത്തിക്കുന്ന സംഘാടക സമിതി ഓഫിസിലും കണ്ണൂർ ജില്ല ലൈബ്രറിയിൽ പ്രവർത്തിക്കുന്ന ചലച്ചിത്ര അക്കാദമി ഓഫിസിലും രജിസ്ട്രേഷൻ നടത്താം.