മഴ: ജില്ലയിൽ 20.74 കോടിയുടെ നാശം

മംഗളൂരു: ദക്ഷിണ കന്നട ജില്ലിൽ കഴിഞ്ഞദിവസങ്ങളിൽ പെയ്ത കനത്ത മഴ 20.74 കോടിയുടെ നാശം വിതച്ചതായി ഡെപ്യൂട്ടി കമീഷണർ ശശികാന്ത് സെന്തിൽ വാർത്തസമ്മേളനത്തിൽ പറഞ്ഞു. 36 വീടുകൾ പൂർണമായും 45 എണ്ണം ഭാഗികമായും തകർന്നു. 483 വീടുകൾക്ക് കേടുപാട് സംഭവിച്ചു. മംഗളൂരു നഗരത്തിൽ മാത്രം 78.33 ലക്ഷം രൂപയുടെ നാശമുണ്ടായി. അതേസമയം, മംഗളൂരു നഗരത്തിൽ 41.38 ലക്ഷം രൂപയുടെ നഷ്ടമുണ്ടായതായി മേയർ കെ. ഭാസ്കർ വാർത്തസമ്മേളനത്തിൽ പറഞ്ഞു. 50 കോടിയുടെ സഹായം ആവശ്യപ്പെട്ടതായി ഐവൻ ഡിസൂസ എം.എൽ.സി വാർത്തസമ്മേളനത്തിൽ അറിയിച്ചു.