അക്ഷരമുറ്റത്തേക്ക് കുരുന്നുകൾ പിച്ചവെച്ചിറങ്ങി

കാഞ്ഞങ്ങാട്: വിടർന്നകണ്ണുകളിൽ കൗതുകവും അൽപം പരിഭ്രമവുമായി ആദ്യവിദ്യാലയത്തി​െൻറ അക്ഷരമുറ്റത്തേക്ക് കുരുന്നുകളെത്തി. വർണാലംകൃതമായ വിദ്യാലയാങ്കണങ്ങൾ ഉത്സവത്തിമിർപ്പിൽ നവാഗതരെ വരവേറ്റു. നാടെങ്ങും വിപുലമായരീതിയിലാണ് സ്കൂളുകളിൽ നവാഗതരെ വരവേറ്റുള്ള പ്രവേശനോത്സവങ്ങൾ സംഘടിപ്പിച്ചത്. അധ്യാപകർക്കും രക്ഷിതാക്കൾക്കും ഒപ്പം വിവിധ സന്നദ്ധസംഘടനകളും കൂട്ടായ്മകളും മറ്റും ആഘോഷങ്ങൾക്ക് നേതൃത്വം നൽകി.