പ്രവാസികൾക്കുള്ള വായ്പ പട്ടികജാതി വികസന കോർപറേഷൻ വഴിയും

കണ്ണൂർ: തിരിച്ചെത്തിയ പ്രവാസിമലയാളികൾക്ക് വ്യവസായസംരംഭം തുടങ്ങുന്നതിനുള്ള നോർക്ക റൂട്ട്സി​െൻറ വായ്പാപദ്ധതി ഇനിമുതൽ സംസ്ഥാന പട്ടികജാതി-വർഗ വികസന കോർപറേഷൻവഴിയും ലഭ്യമാക്കും. പ്രവാസിജീവിതം അവസാനിപ്പിച്ച് തിരിച്ചെത്തിയ മലയാളികൾക്ക് സ്വന്തമായി വ്യവസായസംരംഭങ്ങൾ ആരംഭിക്കുന്നതിന് പദ്ധതിയിൻകീഴിൽ പരമാവധി 20 ലക്ഷം രൂപവരെ വായ്പ ലഭിക്കും. വായ്പത്തുകയുടെ 15 ശതമാനം നോർക്ക റൂട്ട്സ് സബ്സിഡി നൽകും. കൂടാതെ മൂന്നു ശതമാനം പലിശ സബ്സിഡിക്കും വായ്പക്കാർക്ക് അർഹതയുണ്ട്. അപേക്ഷകൻ രണ്ടു വർഷമെങ്കിലും വിദേശത്ത് ജോലി നോക്കിയശേഷം സ്ഥിരതാമസത്തിനായി നാട്ടിൽ മടങ്ങിയെത്തിയ ആളായിരിക്കണം. ഫോൺ: 1800 425 3939. ..........................