പ്രവേശനോത്സവം

കണ്ണൂർ: മുഴത്തടം ഗവ. യു.പി സ്കൂൾ പ്രവേശനം ജനകീയ ഉത്സവമായി. കണ്ണൂർ ഡി.ആർ.സി തല പ്രവേശനോത്സവമാണ് ഇവിടെ നടന്നത്. കോർപറേഷൻ സ്ഥിരം സമിതി അധ്യക്ഷ സി. സീനത്ത് ഉദ്ഘാടനം ചെയ്തു. പി.ടി.എ പ്രസിഡൻറ് ബി. ലതേഷ് അധ്യക്ഷത വഹിച്ചു. വികസന സമിതി കൺവീനർ പി.കെ. രതീഷ്, പൂർവ വിദ്യാർഥി സംഘടന പ്രസിഡൻറ് സി. മുഹമ്മദ് ഇംത്യാസ്, മദർ പി.ടി.എ പ്രസിഡൻറ് രാധിക മനോജ്, അഷ്റഫ്, പ്രമോദ്, ബീന എന്നിവർ സംസാരിച്ചു. പ്രധാനാധ്യാപകൻ വി.പി. മോഹനൻ സ്വാഗതവും ഡെയ്സി കുര്യച്ചൻ നന്ദിയും പറഞ്ഞു.