ബാരാപോൾ കനാലിൽ ചോർച്ച

ഇരിട്ടി: ബാരാപോൾ മിനി ജലവൈദ്യുതി പദ്ധതിക്കായി നിർമിച്ച കനാലിൽ ചോർച്ച. ഇതോടെ സമീപത്തെ വീട്ടുകാർ ഭീതിയിലായി. പവർഹൗസിലേക്ക് വെള്ളമെത്തിക്കുന്ന കനാലിന് താഴെ താമസിക്കുന്ന കൂറ്റാനി സണ്ണി, കൂറ്റാനി ബിനോയ്, പല്ലാട്ട് റെന്നി എന്നിവരുടെ വീടുകൾ അപകടഭീഷണിയിലായി. കനാലിന് അടിവശത്തുകൂടെ ഒഴുകുന്ന വെള്ളമാണ് വീട്ടുപറമ്പിലൂടെയും മറ്റും ഒഴുകുന്നത്. ദിവസവും വെള്ളത്തി​െൻറ അളവ് കൂടിവരുന്നത് വീട്ടുകാരെ ആശങ്കയിലാഴ്ത്തി. ബന്ധപ്പെട്ടവർ കനാലി​െൻറ ചോർച്ച പരിഹരിക്കുന്ന നടപടികൾ സ്വീകരിക്കണമെന്നാണ് വീട്ടുകാരുടെ ആവശ്യം. അടുത്തദിവസം അധികൃതർ സന്ദർശനം നടത്തുമെന്ന് ബാരാപോൾ അധികൃതർ അറിയിച്ചു.