നെയിം ബോർഡുകൾ നൽകി

മാഹി: അഴിയൂർ ഗ്രാമപഞ്ചായത്തിലെ മുഴുവൻ സ്കൂളുകളിലും ആരംഭിക്കാൻ പോകുന്ന ജലശ്രീ ക്ലബുകൾക്കുള്ള നെയിംബോർഡുകൾ അഴിയൂർ കൂട്ടം ഫേസ്ബുക്ക് കൂട്ടായ്മ നൽകി. ഭാരവാഹികളായ രാഗേഷ്, മിഥുൻ എന്നിവർ ചേർന്ന് പഞ്ചായത്ത് പ്രസിഡൻറ് ഇ.ടി. അയ്യൂബിന് നൽകി. തിരുവനന്തപുരം ആസ്ഥാനമായി പ്രവർത്തിക്കുന്ന സർക്കാർ സ്ഥാപനമായ കമ്യൂണിക്കേഷൻ ആൻഡ് കപ്പാസിറ്റി െഡവലപ്മ​െൻറ് യൂനിറ്റി​െൻറ (സി.സി.ഡി.യു) സഹകരണത്തോടെ കുട്ടികളിൽ ജല സാക്ഷരത, വെള്ളം ഉപയോഗിക്കുന്നതിനുള്ള അവബോധം എന്നിവ സൃഷ്ടിക്കാൻ ലക്ഷ്യമിട്ടാണ് ക്ലബുകൾ ആരംഭിക്കുന്നത്. ചടങ്ങിൽ വൈസ് പ്രസിഡൻറ് റീന രയരോത്ത്, െസക്രട്ടറി ടി. ഷാഹുൽ ഹമീദ്, ഉഷ ചാത്താങ്കണ്ടി, രജിത്ത് കണ്ണോത്ത്, സിജി, കെ. സലാം, വി.പി. ജയൻ, അലി മഞ്ഞോളി, സാഹിർ പുനത്തിൽ, ശ്രീജേഷ് കുമാർ എന്നിവർ സംസാരിച്ചു.