ബംഗളൂരുവിൽനിന്ന് കാണാതായ 15കാരൻ കുളത്തിൽ മരിച്ചനിലയിൽ

മംഗളൂരു: ബംഗളൂരുവിൽനിന്ന് കാണാതായ 15കാരനെ വ്യാഴാഴ്ച ബെൽത്തങ്ങാടിക്കടുത്ത ഗുരുവയങ്കരയിൽ കുളത്തിൽ മരിച്ചനിലയിൽ കണ്ടെത്തി. ബംഗളൂരു മുനിസ്വാമി കട്ടെ ലേഔട്ടിലെ പ്രേംകുമാറി​െൻറ മകൻ യശ്വന്ത് സായിയുടെ മൃതദേഹമാണ് കണ്ടെത്തിയത്. ചൊവ്വാഴ്ചയാണ് യശ്വന്തിനെ കാണാതായത്. തുടർന്ന് ബന്ധുക്കൾ ബംഗളൂരു പൊലീസിൽ പരാതി നൽകിയിരുന്നു. ബുധനാഴ്ച കുളക്കരയിൽ സ്കൂൾബാഗ് കണ്ടെത്തിയതിനെ തുടർന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്.