മുന്‍ഗണന പട്ടികയില്‍ ഉള്‍പ്പെട്ട അനര്‍ഹര്‍ വിവരം അറിയിക്കണം

കാഞ്ഞങ്ങാട്: ഹോസ്ദുര്‍ഗ് താലൂക്ക് പരിധിയിൽ അനര്‍ഹരായ മുന്‍ഗണന പട്ടിക റേഷൻ കാർഡുള്ളവര്‍ മാറ്റം വരുത്തണമെന്ന് താലൂക്ക് സപ്ലൈ ഓഫിസര്‍ അറിയിച്ചു. റേഷന്‍ കാര്‍ഡില്‍ സര്‍ക്കാര്‍, അർധസര്‍ക്കാര്‍, പൊതുമേഖല സ്ഥാപനങ്ങളിലെ ജീവനക്കാര്‍ ഉള്‍പ്പെട്ടിട്ടുണ്ടെങ്കിലും പ്രതിമാസ വരുമാനം 25000 രൂപയില്‍ കൂടുതലാണെങ്കിലും മുന്‍ഗണന പട്ടികയില്‍ ഉള്‍പ്പെടാന്‍ പാടില്ല. ഒരു ഏക്കറില്‍ അധികം ഭൂമിയുള്ളവര്‍, നാലുചക്ര സ്വകാര്യ വാഹനമുള്ളവര്‍, ആയിരം ചതുരശ്ര അടിയിലധികം വലുപ്പമുള്ള വീടുള്ളവര്‍, ആദായനികുതി നല്‍കുന്നവര്‍ എന്നിവരുള്‍പ്പെട്ട കുടുംബങ്ങള്‍ക്കും മുന്‍ഗണന ലിസ്റ്റില്‍ സ്ഥാനമില്ല. ഇത്തരത്തിലുള്ളവര്‍ മുന്‍ഗണന കാര്‍ഡുള്ളവരാണെങ്കില്‍ താഴെ പറയുന്ന മൊബൈല്‍ നമ്പറുകളില്‍ വിവരം അറിയിക്കണം. അല്ലാത്തവര്‍ക്കെതിരെ നടപടി സ്വീകരിക്കും. ഹോസ്ദുർഗ് താലൂക്ക് സപ്ലൈ ഓഫിസര്‍: 9188527413, അസി. താലൂക്ക് സപ്ലൈ ഓഫിസര്‍: 9188527517, ഉദുമ റേഷനിങ് ഇന്‍സ്‌പെക്ടര്‍: 9188527900, കാഞ്ഞങ്ങാട് റേഷനിങ് ഇന്‍സ്‌പെക്ടര്‍: 9188527897, നീലേശ്വരം റേഷനിങ് ഇന്‍സ്‌പെക്ടര്‍: 9188527898, തൃക്കരിപ്പൂര്‍ റേഷനിങ് ഇന്‍സ്‌പെക്ടര്‍: 9188527899. -------