എൻഡോവ്മെൻറ്: അപേക്ഷ ക്ഷണിച്ചു

പയ്യന്നൂർ: അന്നൂരും പരിസരങ്ങളിലുമുള്ള വിദ്യാർഥികളുടെ ശാസ്ത്രാഭിരുചി പ്രോത്സാഹിപ്പിക്കുന്നതിന് കെ.പി. ചിരിയക്കുഞ്ഞി അമ്മയുടെ പേരിൽ അന്നൂർ സഞ്ജയൻ സ്മാരക ഗ്രന്ഥാലയം മുഖേന നൽകുന്ന എൻഡോവ്മ​െൻറ് അവാർഡിന് അപേക്ഷ ക്ഷണിച്ചു. പ്ലസ് ടു പരീക്ഷയിൽ ശാസ്ത്രവിഷയങ്ങളിൽ എ പ്ലസ് നേടിയ വിദ്യാർഥികൾക്ക് അപേക്ഷിക്കാം. പഠനകാലത്തെ ശാസ്ത്രവിഷയങ്ങളിലെ മികവുകൂടി മാനദണ്ഡമായി പരിഗണിക്കും. നിശ്ചിത ഫോറത്തിലുള്ള അപേക്ഷ സർട്ടിഫിക്കറ്റുകളുടെ പകർപ്പുസഹിതം 28ന് മുമ്പ് വായനശാലയിൽ ലഭിക്കണം.