ഗൗരി ലങ്കേഷ് വധം: സുള്ള്യ സ്വദേശി അറസ്​റ്റിൽ

മംഗളൂരു: മുതിർന്ന മാധ്യമപ്രവർത്തക ഗൗരി ലങ്കേഷ് വധക്കേസിൽ സംശയിക്കുന്ന ഏഴാം പ്രതി സുള്ള്യ സമ്പാജെയിലെ മോഹൻ നായകിനെ (50) പ്രത്യേക അന്വേഷണസംഘം അറസ്റ്റ് ചെയ്തു. സംശയപ്പട്ടികയിലെ ആറാമനായ വിജയപുര ജില്ലയിലെ സിന്തഗി സ്വദേശി പരശുരാമിനെ (26) കഴിഞ്ഞമാസം അറസ്റ്റ് ചെയ്തിരുന്നു. മാണ്ട്യ മദ്ദൂറിലെ കെ.ടി. നവീൻകുമാർ, മഹാരാഷ്ട്ര സ്വദേശികളായ അമോൽ കലെ, അമിത് ദിവാകർ, കർണാടക സ്വദേശികളായ മനോഹർ എഡ്വേ, സുജീത് കുമാർ എന്ന പ്രവീൺ എന്നിവരെ നേരത്തെ അറസ്റ്റ് ചെയ്തിരുന്നു. കഴിഞ്ഞവർഷം സെപ്റ്റംബർ അഞ്ചിനാണ് ഗൗരി ലങ്കേഷ് കൊല്ലപ്പെട്ടത്.