പുല്ലരിയാൻ പോയ വീട്ടമ്മ വെള്ളക്കെട്ടിൽ വീണു മരിച്ചു

ആലക്കോട്: . കാപ്പിമല ഫർലോംഗരയിലെ ചക്കാലയ്ക്കൽ തങ്കച്ച​െൻറ ഭാര്യ എൽസിയാണ് (50) മരിച്ചത്. ബുധനാഴ്ച രാവിലെ പശുവിന് പുല്ലരിയാൻ പോയ എൽസിയെ ഏറെനേരമായിട്ടും കാണാത്തതിനെ തുടർന്ന് അയൽക്കാരുടെ സഹായത്തോടെ വീട്ടുകാർ നടത്തിയ തിരച്ചിലിൽ വീടിനു സമീപത്തെ വെള്ളക്കെട്ടിൽ മരിച്ചനിലയിൽ കണ്ടെത്തുകയായിരുന്നു. ആലക്കോട് പൊലീസ് ഇൻക്വസ്റ്റ് നടത്തിയ മൃതദേഹം പോസ്റ്റ്മോർട്ടത്തിനായി പരിയാരം മെഡിക്കൽ കോളജ് ആശുപത്രിയിലേക്ക് കൊണ്ടുപോയി. വായാട്ടുപറമ്പ് വടുതലക്കുഴിയിൽ കുടുംബാംഗമാണ്. മക്കൾ: ലിജി, ലൈജി, ലിജിന (അധ്യാപിക, പഞ്ചാബ്). മരുമക്കൾ: സാവിയോ ചുനയംമാക്കൽ, മനു തടത്തിൽ. സംസ്കാരം വെള്ളിയാഴ്ച രാവിലെ 11ന് കാപ്പിമല സ​െൻറ് ജോസഫ് പള്ളി സെമിത്തേരിയിൽ.