റെയിൽവേ സ്​റ്റേഷനിൽ അവശനിലയിൽ കണ്ടയാൾ മരിച്ചു

പയ്യന്നൂർ: പയ്യന്നൂര്‍ റെയില്‍വേ പ്ലാറ്റ്ഫോമില്‍ അവശനിലയിൽ കണ്ട ഇതര സംസ്ഥാനക്കാരനെന്ന് സംശയിക്കുന്നയാൾ മരിച്ചു. പയ്യന്നൂർ താലൂക്ക് ആശുപത്രിയിൽ ചികിത്സക്കിടെയാണ് മരിച്ചത്. പയ്യന്നൂർ നഗരസഭ ചെയർമാൻ അഡ്വ. ശശി വട്ടക്കൊവ്വലും പയ്യന്നൂർ പൊലീസുമാണ് ഇയാളെ ആശുപത്രിയിലേക്കു മാറ്റിയത്. 50 വയസ്സ് തോന്നിക്കും. എഴുന്നേറ്റ് ഇരിക്കാന്‍പോലും സാധിക്കാതെ ദിവസങ്ങളായി പ്ലാറ്റ്ഫോമിൽ കിടക്കുന്നതുകണ്ട് സ്റ്റേഷൻ മാസ്റ്റർ നഗരസഭ ചെയർമാനെ അറിയിക്കുകയായിരുന്നു. കാലിൽ ഉൾപ്പെടെ വ്രണം വന്ന നിലയിലായിരുന്നു. ചൊവ്വാഴ്ച രാവിലെയാണ് മരിച്ചത്. മൃതദേഹം പരിയാരം മെഡിക്കൽ കോളജ് ആശുപത്രി മോർച്ചറിയിൽ. പി.വൈ.ആർ.death