നാട് കാണാൻ കാട് വിട്ടിറങ്ങിയ മലമാൻ നാട്ടുകാർക്ക് കൗതുകമായി

കേളകം: . അടക്കാത്തോട് പടത്ത്പാറയിലെ കൃഷിയിടത്തിൽ കടന്ന മലമാനാണ് ആളുകളെ കണ്ട് പരിഭ്രമത്തോടെ നെട്ടോട്ടമോടിയത്. ആറളം വന്യജീവിസങ്കേതത്തിൽനിന്നാണ് ചീങ്കണ്ണിപ്പുഴ കടന്ന് ആനമതിലി​െൻറ ഭാഗമായി വെള്ളം ഒഴുകിപ്പോകാനുള്ള ടണൽവഴി മലമാൻ കൃഷിയിടത്തിൽ കടന്നത്. കൃഷിയിടത്തിലെ പുൽമേട്ടിൽ മേയുന്നതിനിടെ ആളുകളുടെ ശ്രദ്ധയിൽപെട്ടതോടെയാണ് മലമാൻ പരിഭ്രമിച്ചത്. തുടർന്ന് ഏറെനേരത്തെ പരക്കംപാച്ചിലിനു ശേഷം വന്നവഴി വനത്തിലേക്ക് തന്നെ മടങ്ങി.