റെയിൽവേ സ്​റ്റേഷനിൽ അബോധാവസ്ഥയിൽ കണ്ടയാളെ ആശുപത്രിയിലാക്കി

കാഞ്ഞങ്ങാട്: റെയിൽവേ സ്റ്റേഷനിൽ പരിക്കുകളോടെ അബോധാവസ്ഥയിൽ കണ്ടയാളെ ഫയർഫോഴ്സ് ആശുപത്രിയിലെത്തിച്ചു. തിങ്കളാഴ്ച വൈകീട്ട് മൂേന്നാടെ ചെന്നൈ മെയിൽ കടന്നുപോയശേഷമാണ് പ്ലാറ്റ്ഫോമിൽ അബോധാവസ്ഥയിൽ കിടക്കുന്നയാളെ മറ്റുയാത്രക്കാർ കണ്ടത്. സ്റ്റേഷൻ അധികൃതരെ അറിയിച്ചതിനെ തുടർന്ന് ഫയർഫോഴ്സിനെ വിളിക്കുകയായിരുന്നു. ഫയർഫോഴ്സ് പ്രഥമ ശുശ്രൂഷ നൽകിയശേഷം ജില്ല ആശുപത്രിയിൽ പ്രവേശിപ്പിച്ചു. മമ്മു മൊയ്തീൻ (65) എന്ന പേരാണ് ഇയാൾ പറഞ്ഞത്. രക്തസമ്മർദം വർധിച്ച് പ്ലാറ്റ്ഫോമിൽ തലയിടിച്ച് വീണതാണെന്ന് കരുതുന്നതായി ഫയർഫോഴ്സ് ജീവനക്കാർ പറഞ്ഞു.