നൂതന മത്സ്യക്കൃഷി​ക്കുള്ള പുരസ്​കാരം അഗസ്​റ്റ്യന്

ചെറുപുഴ: ഫിഷറീസ് വകുപ്പി​െൻറ നൂതന മത്സ്യക്കൃഷിക്കുള്ള പുരസ്കാരം ചെറുപുഴ പഞ്ചായത്തിലെ കോക്കടവ് സ്വദേശി പള്ളിപ്പുറത്ത് കുന്നേല്‍ അഗസ്റ്റ്യന്. കൊച്ചി ശാസ്ത്ര സാങ്കേതിക സർവകലാശാലയുടെ പുതിയ സാങ്കേതികവിദ്യ ഉപയോഗിച്ച് മത്സ്യങ്ങളെ കൂടുകളില്‍ വളര്‍ത്തുന്ന ഹൈ ഡെന്‍സിറ്റി റീ സര്‍ക്കുലേഷന്‍ സിസ്റ്റം വിജയകരമായി നടപ്പാക്കിയതിനാണ് പുരസ്കാരം. നൂതന മത്സ്യക്കൃഷി നടത്തുന്ന കര്‍ഷകര്‍ക്കുള്ള ജില്ലയിലെ ഒന്നാം സ്ഥാനമാണ് അഗസ്റ്റ്യന് ലഭിച്ചത്. ചൊവ്വാഴ്ച രാവിലെ 10ന് കൊല്ലം സി.എസ്.ഐ കണ്‍വെന്‍ഷന്‍ സ​െൻററില്‍ നടക്കുന്ന ചടങ്ങില്‍ ഫിഷറീസ് മന്ത്രി ജെ. മേഴ്സിക്കുട്ടിയമ്മ പുരസ്കാരം സമ്മാനിക്കും.