ഉപഭോക്​തൃ തർക്കപരിഹാര ഫോറം: അപേക്ഷ ക്ഷണിച്ചു

കണ്ണൂർ: ജില്ല ഉപഭോക്തൃ തർക്കപരിഹാര ഫോറത്തിൽ മുഴുവൻസമയ അംഗത്തി​െൻറയും വനിത അംഗത്തി​െൻറയും ഒഴിവുകളിലേക്ക് നിയമനത്തിന് അപേക്ഷ ക്ഷണിച്ചു. അപേക്ഷകർ അംഗീകൃത സർവകലാശാല ബിരുദമുള്ളവരും 35 വയസ്സോ അതിന് മുകളിലോ പ്രായമുള്ളവരും ധനതത്ത്വം, നിയമം, കോമേഴ്സ്, അക്കൗണ്ടൻസി, വ്യവസായം, പൊതുകാര്യങ്ങൾ, ഭരണനിർവഹണം എന്നീ വിഷയങ്ങൾ കൈകാര്യം ചെയ്യുന്നതിൽ 10 വർഷത്തിൽ കുറയാത്ത പ്രവൃത്തിപരിചയമുള്ളവരും കഴിവും ആർജവവുമുള്ളവരുമായിരിക്കണം. നിയമന കാലാവധി അഞ്ചുവർഷം വരെയോ 65 വയസ്സ് വരെയോ (ഏതാണോ ആദ്യം അതുവരെ) ആണ്. അപേക്ഷ ഫോറത്തി​െൻറ മാതൃക എല്ലാ ജില്ല കലക്ടറേറ്റുകളിലും ജില്ല സപ്ലൈ ഓഫിസുകളിലും ജില്ല ഉപഭോക്തൃ തർക്കപരിഹാര ഫോറങ്ങളിലും www.consumeraffairs.kerala.gov.inലും ലഭിക്കും. അപേക്ഷകർ അവരുടെ ബയോഡാറ്റ, സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പ് എന്നിവ സഹിതം ജൂലൈ 20ന് മുമ്പ് ജില്ല കലക്ടർക്ക് അപേക്ഷ സമർപ്പിക്കണം.