കക്കണ്ണന്‍പാറ കലാഗ്രാമത്തില്‍ ഫൈൻ ആര്‍ട്‌സ് കോളജ് സ്ഥാപിക്കണം

ശ്രീകണ്ഠപുരം: വക്കേമലബാറിലെ കലാകാരന്മാരുടെ കഴിവുകള്‍ പരിപോഷിപ്പിക്കുന്നതിനായി നിടിയേങ്ങ കക്കണ്ണന്‍പാറയിലെ കലാഗ്രാമത്തില്‍ ഫൈന്‍ ആര്‍ട്‌സ് കോളജ് സ്ഥാപിക്കണമെന്ന് ഡി.വൈ.എഫ്‌.ഐ ശ്രീകണ്ഠപുരം ബ്ലോക്ക് സമ്മേളനം ആവശ്യപ്പെട്ടു. സമ്മേളനത്തി​െൻറ അവസാനദിവസമായ ഞായറാഴ്ച സംസ്ഥാന കമ്മിറ്റി അംഗം എം.വി. രാജീവനും ബ്ലോക്ക് സെക്രട്ടറി പി. ഷിനോജും ചര്‍ച്ചകള്‍ക്കുള്ള മറുപടിനല്‍കി. സംസ്ഥാന കമ്മിറ്റി അംഗം പി.പി. ഷൈമ, ജില്ല വൈസ് പ്രസിഡൻറ് വി.പി. വിജേഷ്, സി.ഐ.ടി.യു ജില്ല വൈസ് പ്രസിഡൻറ് എം.സി. ഹരിദാസന്‍, പി. മാധവന്‍, കെ.കെ. രഘുനാഥന്‍, കെ. മധു, എം.എം. പ്രജോഷ്, കെ. ഷൈജു എന്നിവര്‍ സംസാരിച്ചു. റോബര്‍ട്ട് ജോർജ് നന്ദി പറഞ്ഞു. ഭാരവാഹികള്‍: റോബര്‍ട്ട് ജോർജ് (പ്രസി), കെ.വി. സന്ദീപ്, ടി.വി. അപര്‍ണ (വൈസ് പ്രസി), പി. ഷിനോജ് (സെക്ര), സി.വി. ജിതേഷ്, പി.വി. രാജേഷ് (ജോ. സെക്ര), എം. ഷിജിന്‍ (ട്രഷ).