പാർട്ടി പ്രചാരണാർഥം കമൽഹാസൻ മാഹി സന്ദർശിക്കും

മാഹി: മക്കൾ നീതി മയ്യം എന്ന ത​െൻറ പുതിയ പാർട്ടിയുടെ പ്രചാരണാർഥം ഉലകനായകൻ കമൽഹാസൻ മാഹി സന്ദർശിക്കുമെന്ന് സംസ്ഥാന ഭാരവാഹികൾ വാർത്തസമ്മേളനത്തിൽ അറിയിച്ചു. മാഹിയിൽ ഇതിനകം 150 പേർ പുതിയ പാർട്ടിയിൽ അംഗത്വമെടുത്തിട്ടുണ്ട്. വിപുലമായ കൺെവൻഷൻ വിളിച്ചുചേർക്കും. അംഗത്വ വിതരണ കാമ്പയിനി​െൻറ ഭാഗമായി ത്രിദിന പ്രവർത്തനങ്ങളാണ് മാഹിയിൽ നടത്തുന്നത്. ജനങ്ങളുടെ ഉപദേശം കേട്ട് പ്രവർത്തിക്കുകയെന്നല്ലാതെ ജനങ്ങളെ ഉപദേശിക്കാനുള്ള നേതാവല്ല താനെന്ന കമൽഹാസ​െൻറ പ്രഖ്യാപനം തന്നെയാണ് പാർട്ടിയുടെ പ്രഖ്യാപിത നയമെന്ന് സംസ്ഥാന പ്രസിഡൻറ് എം. ഹരികൃഷ്ണൻ പറഞ്ഞു. സംസ്ഥാന നേതാക്കളായ എം. ആനന്ദ്, ആർ. രാജേന്ദ്രൻ, ജി. വേൽമുരുകൻ, എം. മുത്തുക്കുമരു എന്നിവരും വാർത്ത സമ്മേളനത്തിൽ സംബന്ധിച്ചു.