സെമിനാറും അനുമോദനവും

ചൊക്ലി: കേരള സ്റ്റേറ്റ് ഭാരത് സ്കൗട്ട്സ് ആൻഡ് ഗൈഡ്സ് ചൊക്ലി ലോക്കൽ അസോസിയേഷ​െൻറ നേതൃത്വത്തിൽ ചൊക്ലി വിദ്യാഭവനിൽ സ്കൗട്ട്, ഗൈഡ്, കബ്, ഫ്ലോക്ക് ലീഡേർസ് സെമിനാർ നടത്തി. ചൊക്ലി ഉപജില്ല വിദ്യാഭ്യാസ ഓഫിസർ പി.പി.വിനോദ് കുമാർ ഉദ്ഘാടനം നിർവഹിച്ചു. ജില്ലയിലെ മികച്ച കബ് മാസ്റ്റർക്കുള്ള പുരസ്കാരം നേടിയ ഇ. അസീസിനെ ചടങ്ങിൽ എ.ഇ.ഒ പൊന്നാടയണിയിച്ച് ആദരിച്ചു. ജില്ല ഓർഗനൈസിങ് കമീഷണർ പി.കെ.രാമചന്ദ്രൻ അധ്യക്ഷത വഹിച്ചു. ജില്ല സെക്രട്ടറി പി. ബിജോയ് മുഖ്യാതിഥിയായി. ടി.കെ. ഗോപിനാഥൻ, കെ.പി. ശ്രീധരൻ, കെ.എം. ഉമാദേവി, സജില, ബേബി കനകം, അജേഷ് എന്നിവർ സംസാരിച്ചു. ചൊക്ലി ലോക്കൽ അസോസിയേഷൻ സെക്രട്ടറി പി.സബിൻ സ്വാഗതവും ഇ. അസീസ് നന്ദിയും പറഞ്ഞു.