കുടകിൽ വീണ്ടുംകനത്ത മഴ: താഴ്​ന്ന പ്രദേശങ്ങൾ വെള്ളത്തിൽ, സ്​കൂളുകൾക്ക്​ രണ്ടുദിവസത്തെ അവധി

വീരാജ്പേട്ട: കുടക് ജില്ലയിൽ കനത്ത മഴ. താഴ്ന്ന പ്രദേശങ്ങളിൽ വെള്ളം കയറി. മടിക്കേരി, ബാഗമണ്ടല, നാപോക്ക് എന്നിവിടങ്ങളിൽ ശക്തമായ മഴയാണ്. സോമവാർപേട്ടയിലെ ഉയർന്ന പ്രദേശങ്ങളിൽ വീടുകൾ തകർന്നിട്ടുണ്ട്. ബാഗമണ്ടലയിലെ തലക്കാവേരി ത്രിവേണി സംഗമത്തിൽ വെള്ളം കയറി. ബാഗമണ്ടല ഒറ്റപ്പെട്ടു. വീരാജ്പേട്ട-കണ്ണൂർ റോഡിലെ അൻവാറുൽ ഹുദക്ക് സമീപം റോഡിൽ വെള്ളം കയറി ഗതാഗതം തടസ്സപ്പെട്ടു. ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും രണ്ടുദിവസത്തെ അവധി പ്രഖ്യാപിച്ചിട്ടുണ്ട്.