കണ്ടൽ പഠന ഗവേഷണ കേന്ദ്രം ഉദ്​ഘാടനം

പഴയങ്ങാടി: കല്യാശ്ശേരി സമഗ്ര വിദ്യാഭ്യാസ പദ്ധതി 'ജീവനം 2018'​െൻറ ഭാഗമായി കൊട്ടില ഗവ. ഹയർസെക്കൻഡറി സ്കൂളിൽ കണ്ടൽ പഠന ഗവേഷണ കേന്ദ്രവും ജൈവവൈവിധ്യ ഉദ്യാനവും വനംമന്ത്രി കെ. രാജു ഉദ്ഘാടനംചെയ്തു. കണ്ടൽക്കാടുകൾ സംരക്ഷിക്കുന്നവർക്ക് സർക്കാർ ധനസഹായം നൽകുമെന്നും തീരപ്രദേശങ്ങളുടെ രക്ഷാകവചമായ കണ്ടൽക്കാടുകൾ സംരക്ഷിക്കാൻ നൂതന പദ്ധതികൾ ആവിഷ്കരിക്കുമെന്നും മന്ത്രി രാജു പറഞ്ഞു. സ്വകാര്യവ്യക്തികളുടെ സ്ഥലത്തുള്ള കണ്ടൽവനങ്ങൾ അവർതന്നെ സംരക്ഷിച്ചാൽ ഏക്കറിന് 4000 രൂപ നിരക്കിൽ സർക്കാർ ധനസഹായം നൽകുമെന്നും മന്ത്രി അറിയിച്ചു. ടി.വി. രാജേഷ് എം.എൽ.എ അധ്യക്ഷതവഹിച്ചു. ഏഴോം പഞ്ചായത്ത് പ്രസിഡൻറ് ഡി. വിമല, ഡോ. എം. രാജേന്ദ്രപ്രസാദ്, സി.ഒ. പ്രഭാകരൻ, സുരേഷ് ബാബു, മാടായി എ.ഇ.ഒ പി. അബ്ദുല്ല, പ്രധാനാധ്യാപകൻ ഷാജി റാം, പ്രിൻസിപ്പൽ പി. നാരായണൻ എന്നിവർ സംസാരിച്ചു. കണ്ടൽവനങ്ങളെ കുറിച്ച് ഡോ. ദിനേശൻ ചെറുവാട്ടിൽ, ഡോ. ജാഫർ പാലോട്ട് എന്നിവർ പ്രഭാഷണം നടത്തി. ഡോ. എം. രമിത്തി​െൻറ ഫോേട്ടാ പ്രദർശനവും നടന്നു.