ഡി.വൈ.എഫ്.ഐ ബ്ലോക്ക് സമ്മേളനം

കൂത്തുപറമ്പ്: വർഗീയതക്കെതിരായ പോരാട്ടത്തിൽ മുഴുവൻ യുവജനങ്ങളും അണിനിരക്കണമെന്ന് ഡി.വൈ.എഫ്.ഐ കൂത്തുപറമ്പ് ബ്ലോക്ക് സമ്മേളനം ആവശ്യപ്പെട്ടു. പുരോഗമന കലാസാഹിത്യ സംഘം സംസ്ഥാന സെക്രട്ടറി വിനോദ് വൈശാഖി ഉദ്ഘാടനംചെയ്തു. കെ. വിനോദ് അധ്യക്ഷതവഹിച്ചു. ജില്ല സെക്രട്ടറി എം. ഷാജർ സംഘടന റിപ്പോർട്ടും ബ്ലോക്ക് സെക്രട്ടറി അഭിലാഷ് പനോളി പ്രവർത്തന റിപ്പോർട്ടും അവതരിപ്പിച്ചു. കെ. അജേഷ് അനുശോചനപ്രമേയവും കെ. ലയ രക്തസാക്ഷിപ്രമേയവും അവതരിപ്പിച്ചു. ഷാജി കരിപ്പായി, എം.കെ. സുധീർ കുമാർ, എം.പി. അനിൽകുമാർ എന്നിവർ സംസാരിച്ചു. എറണാകുളം മഹാരാജാസ് കോളജിൽ കൊല ചെയ്യപ്പെട്ട അഭിമന്യുവിനെ അനുസ്മരിച്ചാണ് സമ്മേളനം ആരംഭിച്ചത്.