മലയോരം ഉരുൾപൊട്ടൽ ഭീതിയിൽ

കേളകം: കനത്ത മഴ തുടരുമ്പോൾ കേളകം, കൊട്ടിയൂർ, ആറളം, അയ്യംകുന്ന് പഞ്ചായത്തുകളിലെ മലയോര പ്രദേശങ്ങൾ ഉരുൾപൊട്ടൽ ഭീതിയിലായി. മേഖലയിലെ പുഴകളിൽ ജലവിതാനം ഉയർന്നു. കൊട്ടിയൂർ- വയനാട്, നിടുംപൊയിൽ-വയനാട് ചുരം റോഡുകളിൽ മണ്ണിടിച്ചിൽ ഭീഷണിയുള്ളതിനാൽ ജാഗ്രത വേണമെന്ന് അധികൃതർ അറിയിച്ചു. ചീങ്കണ്ണി, കക്കുവ, ബാവലി പുഴകളും തോടുകളും കരകവിഞ്ഞൊഴുകുകയാണ്. പുഴയോരങ്ങളിലെ കൃഷിയിടങ്ങളും വെള്ളത്തിലായി.