കേളകം സെൻറ്​ തോമസിൽ നന്മ പദ്ധതിക്ക് തുടക്കം

കേളകം: കേളകം സ​െൻറ് തോമസ് ഹയർ സെക്കൻഡറി സ്കൂളിൽ അശരണർക്ക് സഹായം നൽകുക ലക്ഷ്യമിട്ട് നന്മ പദ്ധതിക്ക് തുടക്കമായി. ഹയർ സെക്കൻഡറി വിഭാഗത്തിലെ സ്കൗട്ട് ആൻഡ് ഗൈഡ് കുട്ടികളാണ് പദ്ധതി തുടങ്ങിയത്. ഈ അധ്യയന വർഷത്തെ നന്മ പദ്ധതിയിൽ നിർധനർക്ക് വസ്ത്രം വിതരണം ചെയ്യുകയാണ്. വയനാട് മേഖലയിലെ ആദിവാസി കുട്ടികൾക്ക് ആവശ്യമായ വസ്ത്രങ്ങൾ കുട്ടികൾ എത്തിച്ചുനൽകി. ആയിരത്തോളം പുതുവസ്ത്രങ്ങളാണ് കുട്ടികൾ ശേഖരിച്ചത്. സ്കൗട്ട് ട്രൂപ് ലീഡർ അശ്വിൻ, കമ്പനി ലീഡർ എലിസബത്ത്, ഗൈഡ് ക്യാപ്റ്റൻ സ്മിത കേളോത്ത് എന്നിവർ നേതൃത്വം നൽകി. ശേഖരിച്ച വസ്ത്രങ്ങൾ വയനാട് മേഖലയിലെ അധികൃതർക്ക് കൈമാറി.