അനുമോദനവും മോട്ടിവേഷൻ ക്ലാസും നാളെ

ഇരിക്കൂർ: ജി.സി.സി, കെ.എം.സി.സി എന്നിവയുടെ ആഭിമുഖ്യത്തിൽ ഇരിക്കൂർ പഞ്ചായത്ത് മേഖലയിൽനിന്ന് ഡിഗ്രി, പ്ലസ് ടു, എസ്.എസ്.എൽ.സി, മദ്റസ പൊതുപരീക്ഷകളിൽ ഉന്നതവിജയം നേടിയവരെയും ഹാഫിളുകളെയും ആദരിക്കും. പരിപാടിയുടെ ഭാഗമായി റാഷിദ് ഗസ്സാലിയുടെ മോട്ടിവേഷൻ ക്ലാസുണ്ടാകുമെന്ന് ഭാരവാഹികൾ വാർത്തസമ്മേളനത്തിൽ പറഞ്ഞു. രാവിലെ ഒമ്പതു മുതൽ ഉച്ച രണ്ടുവരെ എ.എം.ഐ സ്കൂൾ ഓഡിറ്റോറിയത്തിൽ നടക്കുന്ന പരിപാടികൾ എസ്.ഐ പി.ആർ. മനോജ് ഉദ്ഘാടനം ചെയ്യും. പഞ്ചായത്ത് പ്രസിഡൻറ് കെ.ടി. നസീർ മുഖ്യാതിഥിയാകുമെന്ന് ഭാരവാഹികളായ എം.പി. അശ്രഫ്, സി.ഡി. ഫൈസൽ, കെ. മുഹമ്മദ് അശ്രഫ് ഹാജി, എം.പി. ഹനീഫ, എം.സി. അശ്രഫ്, യു.പി. അബ്ദുറഹ്മാൻ, കെ.സി. നജീബ് എന്നിവർ വാർത്തസമ്മേളനത്തിൽ പറഞ്ഞു.