അനുമോദിച്ചു

പെരിങ്ങത്തൂർ: കരിയാട് നമ്പ്യാർസ് യു.പി സ്കൂൾ രക്ഷാകർതൃസംഗമവും എൽ.എസ്.എസ്, എസ്.എസ്.എൽ.സി പരീക്ഷയിൽ ഉന്നതവിജയം നേടിയവർക്കുള്ള അനുമോദനവും ജില്ല പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ വി.കെ. സുരേഷ് ബാബു ഉദ്ഘാടനം ചെയതു. പി.ടി.എ പ്രസിഡൻറ് ഇ.കെ. മനോജ് അധ്യക്ഷത വഹിച്ചു. എൽ.എസ്.എസ് വിജയികൾക്കുള്ള കാഷ് അവാർഡ് വാർഡ് കൗൺസിലർ പി.കെ. രാജൻ വിതരണം ചെയ്തു. ഉന്നതവിജയികൾക്കുള്ള ഉപഹാരസമർപ്പണം മാനേജർ എൻ.സി.ടി. രാജഗോപാൽ നിർവഹിച്ചു. വാർഷിക റിപ്പോർട്ട് പ്രധാനാധ്യാപിക കെ. ബേബി വിനോദിനി അവതരിപ്പിച്ചു. കെ. സുശീല സ്വാഗതവും പി. ജാഫർ നന്ദിയും രേഖപ്പെടുത്തി.