ലൈഫ്​ ഭവനപദ്ധതി: ജൂലൈ 31നകം സ്​പിൽ ഒാവർ വീടുകൾ പൂർത്തീകരിക്കണം

കണ്ണൂർ: ജില്ലയിൽ ലൈഫ് ഭവനനിർമാണ പദ്ധതിയിലുൾപ്പെട്ട സ്പിൽ ഓവർ വീടുകളുടെ നിർമാണം ജൂലൈ 31നകം പൂർത്തീകരിക്കാൻ ജില്ല പഞ്ചായത്ത് പ്രസിഡൻറ്് കെ.വി. സുമേഷ് ഉദ്യോഗസ്ഥർക്ക് നിർദേശം നൽകി. പട്ടികജാതി-പട്ടികവർഗ വകുപ്പുകൾ മുഖേന നിർമാണം നടത്തേണ്ട വീടുകളുടെ കാര്യത്തിൽ അടിയന്തര പുരോഗതി കൈവരിക്കുന്നതിനായുള്ള യോഗം ജില്ല കലക്ടറുടെ അധ്യക്ഷതയിൽ ചേരും. 2018-19 വർഷം ഭൂമിയുള്ളതും ഭവനരഹിതരുമായ 4149 പേരാണുള്ളത്. ഇതിൽ 1429 പേർ കരാറിൽ ഏർപ്പെട്ടു. ആദ്യ ഗഡു വിതരണംചെയ്തത് 626 പേർക്കാണ്. 107 പേർക്കാണ് രണ്ടാം ഗഡു വിതരണംചെയ്തത്. എരമം-കുറ്റൂർ, ചെറുകുന്ന് എന്നീ പഞ്ചായത്തുകളിലെ അഞ്ചുപേർ മൂന്നാം ഗഡു ലഭിച്ചതി​െൻറ അടിസ്ഥാനത്തിൽ വീടു പണി പൂർത്തീകരിക്കുകയും ചെയ്തു. ബാക്കിയുള്ളവർക്ക് എത്രയും പെട്ടെന്ന് ഒന്നാംഘട്ട ഗഡുവിതരണം നടത്താനും യോഗം തീരുമാനിച്ചു. പെരിങ്ങോം-വയക്കര ഗ്രാമപഞ്ചായത്തിൽ കുടുംബശ്രീ പ്രവർത്തകരുടെ നേതൃത്വത്തിൽ രണ്ട് വീടുകൾ നിർമിച്ചുനൽകുന്നുണ്ട്. ഇതിൽ ഒരു വീടി​െൻറ നിർമാണം തുടങ്ങി. യോഗത്തിൽ ലൈഫ് മിഷൻ േപ്രാജക്ട് ഡയറക്ടർ കെ.എം. രാമകൃഷ്ണൻ, ജില്ല കോഒാഡിനേറ്റർ കെ.എൻ. അനിൽ, െഡപ്യൂട്ടി സി.ഇ.ഒ സാബുകുട്ടൻ, ഡി.ഡി.പി ഷാനവാസ്, തദ്ദേശസ്വയംഭരണ വകുപ്പ് പ്രസിഡൻറുമാർ, സെക്രട്ടറിമാർ, വകുപ്പുതല ഉദ്യോഗസ്ഥർ തുടങ്ങിയവർ പങ്കെടുത്തു.