എയ്​ഡ്​സ്​ ബാധിതർക്ക്​ പോഷകാഹാര കിറ്റ്​ വിതരണം

കണ്ണൂർ: ജില്ലയിലെ എച്ച്.െഎ.വി/എയ്ഡ്സ് ബാധിതരുടെ രോഗപ്രതിരോധ ശേഷിയും ജീവിത ഗുണമേന്മയും വർധിപ്പിക്കുകയെന്ന ലക്ഷ്യത്തോടെ ഏഴുവർഷമായി കണ്ണൂർ ജില്ല പഞ്ചായത്ത് നടപ്പാക്കിവരുന്ന സമഗ്ര പ്രതിരോധ പോഷകാഹാര പുനരധിവാസ പദ്ധതിയുടെ ഭാഗമായി പോഷകാഹാര കിറ്റ് വിതരണംചെയ്തു. ജില്ല പഞ്ചായത്ത് പ്രസിഡൻറ് കെ.വി. സുമേഷ് ഉദ്ഘാടനംചെയ്തു. വൈസ് പ്രസിഡൻറ് പി.പി. ദിവ്യ അധ്യക്ഷതവഹിച്ചു. എ.ഡി.എം ഇ. മുഹമ്മദ് യൂസുഫ് മുഖ്യാതിഥിയായി. ഡി.എം.ഒ ഡോ. കെ. നാരായണ നായ്ക് പദ്ധതി വിശദീകരിച്ചു. ജില്ല പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൻ ടി.ടി. റംല, പി.എം. സാജിദ് (ജില്ല എയ്ഡ്സ് നിയന്ത്രണ സമിതി) എന്നിവർ സംസാരിച്ചു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ.പി. ജയബാലൻ സ്വാഗതവും ജൂനിയർ അഡ്മിനിസ്ട്രേറ്റിവ് മെഡിക്കൽ ഒാഫിസർ ഡോ. ബി. സന്തോഷ് നന്ദിയും പറഞ്ഞു.