കാക്കയങ്ങാട് ഈർപ്പാലിൽ പുലിയെ കണ്ടതായി അഭ്യൂഹം

ഇരിട്ടി: കാക്കയങ്ങാട് ഈർപ്പാലിൽ പുലിയെ കണ്ടതായി നാട്ടുകാർ. വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി. ബുധനാഴ്ച രാവിലെ പാൽ വാങ്ങാൻ പോകുന്നതിനിടെ വീട്ടമ്മയാണ് പുലിയെ കണ്ടതായി പറയുന്നത്. നാട്ടുകാരും വനംവകുപ്പും പരിശോധന നടത്തിയതിൽ പുലിയുടേതിന് സമാനമായ കാൽപാടും കണ്ടെത്തി. എന്നാൽ, കാൽപാട് പുലിയുടേതെന്ന് സ്ഥിരീകരിച്ചിട്ടില്ല. പുലിയെ കണ്ടതായുള്ള വാർത്ത ജനങ്ങളെ ഭീതിയിലാക്കിയിരിക്കുകയാണ്. പ്രദേശത്ത് വനംവകുപ്പ് നിരീക്ഷണം ശക്തമാക്കി.