കേരളത്തിലെത്തിക്കുന്ന മത്സ്യം പൂർണമായും പരിശോധിക്കും -മുഖ്യമന്ത്രി

പാനൂർ (കണ്ണൂർ): കേരളത്തിലേക്കെത്തിക്കുന്ന മത്സ്യം പരിശോധിക്കുന്ന നടപടി പൂർണതയിലേക്കെത്തിക്കാനാണ് സർക്കാർ ശ്രമിച്ചുകൊണ്ടിരിക്കുന്നതെന്ന് മുഖ്യമന്ത്രി പിണറായി വിജയൻ പറഞ്ഞു. പാനൂർ േബ്ലാക്ക് പഞ്ചായത്ത് ഓഫിസ് കെട്ടിടസമുച്ചയം താഴെ ചമ്പാട് ഉദ്ഘാടനംചെയ്യുകയായിരുന്നു മുഖ്യമന്ത്രി. നാം കഴിക്കുന്ന പലതിലും വിഷാംശം കണ്ടെത്തുകയാണ്. സുരക്ഷിതമെന്ന് മത്സ്യം കഴിക്കുന്നവർ കരുതുന്ന മത്തി കഴുകിയപ്പോഴാണ് ഒരു സ്ത്രീയുടെ സ്വർണമോതിരം വെളുത്തു പോയത്. നാം എന്തൊരു ചുറ്റുപാടിലാണ് ജീവിക്കുന്നതെന്ന് മനസ്സിലാക്കുക. ഇക്കാര്യത്തിൽ ഫലപ്രദമായ നടപടിയിലേക്കാണ് സർക്കാർ നീങ്ങിക്കൊണ്ടിരിക്കുന്നത് -മുഖ്യമന്ത്രി പറഞ്ഞു.