ലൈസൻസ് റദ്ദാക്കാൻ പൊലീസ് ശിപാർശ

മംഗളൂരു: അനാശാസ്യ പ്രവർത്തനം പിടികൂടിയ പമ്പ്വെൽ സർക്കിളിലെ ലോഡ്ജി​െൻറയും കെ.എസ്.ആർ.ടി.സി സ്റ്റേഷൻ പരിസരത്തെ ചൂതാട്ട കേന്ദ്രത്തി​െൻറയും ലൈസൻസ് റദ്ദാക്കാൻ സിറ്റി പൊലീസ് കമീഷണർ ടി.ആർ. സുരേഷ് ശിപാർശ ചെയ്തു. ഇതുസംബന്ധിച്ച കത്ത് മംഗളൂരു കോർപറേഷൻ അധികൃതർക്കും കോഓപറേറ്റിവ് സൊസൈറ്റി രജിസ്ട്രാർക്കും നൽകി. പമ്പ്വെൽ സർക്കിളിലെ ലോഡ്ജിൽ വെള്ളിയാഴ്ച നടത്തിയ റെയ്ഡിൽ ആറ് യുവതികളെ മോചിപ്പിക്കുകയും നടത്തിപ്പുകാരെ പിടികൂടുകയും ചെയ്തിരുന്നു. കെ.എസ്.ആർ.ടി.സി സ്റ്റേഷൻ പരിസരത്തെ റിക്രിയേഷൻ ക്ലബിലെ ചൂതാട്ടം കണ്ടെത്തി 1.20 ലക്ഷം രൂപ പിടിച്ചെടുത്ത് 51പേരെ അറസ്റ്റ് ചെയ്തിരുന്നു.