കൊട്ടിയൂർ പീഡനക്കേസ്: ഫാ. റോബി​െൻറ റിമാൻഡ്​ നീട്ടി

തലശ്ശേരി: കൊട്ടിയൂരിൽ പെൺകുട്ടിയെ പീഡിപ്പിച്ച് ഗർഭിണിയാക്കിയെന്ന കേസ് പരിഗണിക്കുന്നത് തലശ്ശേരി കോടതി െഫബ്രുവരി 22ലേക്ക് മാറ്റി. കേസിലെ മുഖ്യപ്രതി ഫാ. റോബിൻ വടക്കുംചേരിയുടെ റിമാൻഡ് കാലാവധിയും 22 വരെ നീട്ടി. കേസ് ചൊവ്വാഴ്ച രാവിലെ പരിഗണിച്ചപ്പോൾ ഒന്നാം പ്രതിയായ ഫാ.റോബിൻ വടക്കുംചേരിയെ കണ്ണൂർ സ്പെഷൽ സബ് ജയിലിൽ നിന്നും കോടതിയിൽ ഹാജരാക്കിയിരുന്നു. ഇൗ കേസിൽ കന്യാസ്ത്രീകളും ഡോക്ടറും ഉൾപ്പെടെയുള്ള മറ്റ് ഒമ്പത് പ്രതികളും ഒന്നാം അഡീഷനൽ ജില്ല കോടതിയിൽ ചൊവ്വാഴ്ച ഹാജരായി. -കേസി​െൻറ തുടർനടപടികൾ തലശ്ശേരി കോടതിയിൽ തുടരാമെന്ന ഹൈകോടതി ഉത്തരവി​െൻറ പകർപ്പ് കൂടി കേസ് വീണ്ടും പരിഗണിക്കുന്ന 22ന് ഹാജരാക്കാൻ ജഡ്ജി പി.എൻ. വിനോദ് പ്രോസിക്യൂഷനോട് ആവശ്യപ്പെട്ടിട്ടുണ്ട്.