പയ്യന്നൂർ മണ്ഡലം: വിദ്യാലയങ്ങൾക്ക്​ അക്കാദമിക മാസ്​റ്റർ പ്ലാൻ തയാറായി

പയ്യന്നൂർ:- പൊതുവിദ്യാഭ്യാസ സംരക്ഷണ യജ്ഞത്തി​െൻറ ഭാഗമായി പയ്യന്നൂർ മണ്ഡലത്തിലെ മുഴുവന്‍ വിദ്യാലയങ്ങളിലെയും അക്കാദമിക മാസ്റ്റർ പ്ലാൻ തയാറായി. മണ്ഡലത്തിലെ 90 വിദ്യാലയങ്ങളിലെയും അക്കാദമിക മാസ്റ്റർ പ്ലാനുകള്‍ കണ്ണൂർ ഡയറ്റി​െൻറ സഹായത്തോടെ പഞ്ചായത്ത് വിദ്യാഭ്യാസ സമിതികൾ ചർച്ചചെയ്ത് അംഗീകരിച്ചു. പൂർത്തീകരണ പ്രഖ്യാപനം പയ്യന്നൂർ ഗവ. ഗേൾസ് ഹയർ സെക്കൻഡറി സ്കൂളിൽ സി. കൃഷ്ണൻ എം.എൽ.എ നിർവഹിച്ചു. നഗരസഭ ചെയർമാൻ ശശി വട്ടക്കൊവ്വൽ അധ്യക്ഷത വഹിച്ചു. പെരിങ്ങോം- വയക്കര ഗ്രാമപഞ്ചായത്ത് പ്രസിഡൻറ് പി. നളിനി, കങ്കോല്‍- ആലപ്പടമ്പ് പഞ്ചായത്ത് പ്രസിഡൻറ് പി. ഉഷ, ഡി.ഇ.ഒ എൻ. ഗീത, എസ്.എസ്.എ ജില്ല പ്രോഗ്രാം ഓഫിസർ ഡോ. പി.വി. പുരുഷോത്തമൻ എന്നിവര്‍ സംസാരിച്ചു. എ.ഇ.ഒ രവീന്ദ്രൻ കാവിലെവളപ്പിൽ സ്വാഗതവും ബി.പി.ഒ പി.വി. സുരേന്ദ്രൻ നന്ദിയും പറഞ്ഞു.