കേളകത്തെ തെരുവുവിളക്കുകൾ പ്രവർത്തനരഹിതം

കേളകം: ലക്ഷങ്ങൾ മുടക്കി കേളകം പഞ്ചായത്ത് ആഴ്ചകൾക്കുമുമ്പ് സ്ഥാപിച്ച തെരുവുവിളക്കുകൾ ഭൂരിഭാഗവും പ്രവർത്തനരഹിതം. കേളകം ടൗണിൽ ഉൾപ്പെടെ സ്ഥാപിച്ച എൽ.ഇ.ഡി തെരുവുവിളക്കുകളാണ് കണ്ണടച്ചത്. കേളകം പൊലീസ് സ്റ്റേഷൻ പരിസരത്ത് സ്ഥാപിച്ച വിളക്കുകൾ കെട്ടിട്ട് നാളുകളായി. പഞ്ചായത്തി​െൻറ വിവിധ ഭാഗങ്ങളിൽ പലഘട്ടങ്ങളിലായി സ്ഥാപിച്ച തെരുവുവിളക്കുകൾ കണ്ണടച്ചിട്ടും അറ്റകുറ്റപ്പണി നടത്തുന്നില്ല. തെരുവുവിളക്കുകൾ ഇത്രവേഗം പ്രവർത്തനരഹിതമായത് വ്യാപാരികൾക്കിടയിലും പൊതുജനങ്ങൾക്കിടയിലും പ്രതിഷേധത്തിനിടയാക്കിയിട്ടുണ്ട്. ഗുണമേന്മയില്ലാത്ത വിളക്കുകൾ സ്ഥാപിച്ചതാണ് വേഗത്തിൽ ഇവ കണ്ണടക്കാൻ കാരണമെന്നാണ് ആക്ഷേപം.